Хүлээсээр байгаад итгэл минь цөхрөөд
Хүссээр байгаад сэтгэл минь хөрөөд
Хааяа хааяа гуниглаж уйтгарлаад
Хайрын дуунд уярч мэлмэрээд
Хундага дарсанд хөлчүүрээд
Халуун хөнжилдөө ганцаардаад
Хүслээр болдоггүй хүний орчлонд
Хяслангаа нэмэх гэж чамд дурлажээ.
Хорвоогоор дүүрэн охид байвч
Хөнжилийн зугааг минь хаян гаргавч
Хорьж болдоггүй сэтгэл минь ганцхан
Хонгор чамайг нэхэх хяслантай.












